Góð tíð

Ég rak ærnar inn í morgun. Nú er ekki seinna vænna en að fara að huga að rúningi og undirbúningi fyrir fengitímann ef maður ætlar að búast við einhverjum lömbum næsta vor. Annars hefur ekki væst um féð í blíðunni undanfarnar vikur. Rígresið sprettur sem á sumardegi og þrátt fyrir hlýindin hefur töluvert þornað um hér síðustu vikur.

Hann var kátur formaður sauðfjárbænda í sjónvarpinu um daginn. Keyrði skít á tún og ekki farin að gefa fénu. Enda virtist gróður engu minni hjá honum en hér í Flóanum. Ég sem taldi hann búa á hjara veraldar. En það virðist nú vera öðru nær. Það er gaman að vera bóndi þegar tíðin leikur við mann. Þá líður bæði mönnum og skepnum vel og erfiðleikar gærdagsins eru gleymdir.

Fréttamaðurinn spurði formanninn hvað hann væri nú spara í fóðri og svaraði hann drjúgur að nú væri hann sjálfsagt búinn að spara hundrað rúllur. Þá spurði fréttamaðurinn hvað rúllann kostaði og svaraði formaðurinn að bragði: 10.000 kall. Fréttastofan reiknaði svo út að bóndinn í Grítubakkahreppnum væri búinn að græða milljón kr. emoticon

Fréttamaðurinn spurði hinsvegar ekki hvað mikið hey þurfti aukalega þegar vetraráhlaup gerir snemma hausts eins og nokkrum sinnum hefur gerst á síðustu árum. Jafnvel þannig að sumstaðar þuftir að taka sláturlömb á gjöf og stundum töluverðum fjárskaða. Enda gagnslaust að spyrja að því í blíðunni nú.

Bændur á Íslandi hafa fyrir löngu lært að takast á við náttúruöflin með því hugafari að velta sér ekki upp úr erfiðleikunum en kunna að njóta ánægunnar þegar vel gengur.

Fyrir þó nokkrum árum síðan (nokkuð mörgum) man ég að einu sinni snemma sumars gerðu veðurspár ráð fyrir blíðu um allt land yfir heila helgi. Strax á miðvikudegi gerði langtímaspá ráð fyrir sól og hita nánast um allt land föstudag, laugardag og sunnudag. Það var gúrkutíð í fjölmiðlum þessa dagana svo þessi langtímaspá varð aðalforsíðufréttin. Það hugsuðu margir sér gott til glóðarinnar. emoticon

Bændur voru farnir að huga að slætti. Strax á fimmtudegi var farið að slá víða um land. Það var slegið allan föstudaginn en lítið glaðnaði til. Um nóttina fór svo að rigna og það ringdi svo alla helgina og vikuna þar á eftir. emoticon

Þvílík vonbrigði. Enda ætlaði allt um koll að keyra. Fjölmiðlar landsins voru yfirfullir af fréttum, lesendabréfum og greinum um hrakfarir fólks sem ætluðu njóta góða veðursins í helgarfríinu sínu. Málið var tekið fyrir í Kastljósinu og veðurfræðingar voru teknir á teppið. emoticon

Fjölmiðlamenn spurðu hvers ættu mann að gjalda. Fólk hafi lagt af stað með alla fjölskylduna í tjaldútilegu í trausti þess að veðurspáin væri rétt. Hafi svo bara hrökklast til baka hundblaut á fyrsta degi. Spurt var hvort veðurfræðingar væru ekki ábirgir fyrir sínum veðurspám.

Ég man ekki eftir að nokkur hafi velt fyrir sér hvað tjónið varð mikið á heyfeng landsins þessa helgi. Það hefur sjálfsagt verið hægt að reikna það í hundruðum milljónum ef allt er talið. Þetta tjón lenti á bændum. Ég man ekki heldur eftir því að bændur hafi kveinkað sér mikið enda svo sem ekki í fyrsta skipi sem hey hrekst. emoticon

Skrifað af as

Tengill á færslu

Bæta við áliti

Sýna álit

17.11.2014 23:22

Pólitík

Ég hitti einn ágætan sveitunga minn um daginn og eins og alltaf þegar við hittumst ræðum við stjórnmál. Ástæða þess að við ræðum alltaf stjórnmál er að hann hefur mikinn áhuga á stjórnmálum og er einstaklega klár í þeim fræðum. Hann hefur að vísu aldrei tekið þátt sjálfur í starfi stjórnmálaflokks eða verið í framboði nokkursstaðar. En hann hefur sterkar skoðanir á öllu sem þar er sagt og gert. (eða ekki gert)

Ég hinsvegar hef tilhneigingu til að misskilja hlutina og kem ekki alltaf auga á samsærið og plottið sem liggur yfirleitt að baki. Ef ég myndi ekki hitta þennan ágæta sveitunga minn sem upplýsir mig reglulega um svik og klæki stjórnmálamanna er næsta víst að ég væri sannfærður um að flest það fólk sem gefur kost á sér í vinnu við stjórnsýslu landsins væri að vinna að heilindum og eftir sinni bestu getu og sínum hugsjónum.

Ég minnist þess að rétt fyrir síðustu kosningar trúði þessi ágæti sveitungi minn mér fyrir því að nú ætlaði hann að kjósa Framsóknarflokkinn. Mér fannst það nú nokkur tíðindi og ég er nokkuð sannfærður um að það hefur hann aldrei gert áður. En nú var komið að því að Framsóknarflokkurinn var hans eina von.

Hann upplýsti mig um það hvernig þáverandi ríkisstjórn hefði svikið allt sem lofað var. Hvernig skjaldborgin um heimilin hefði snúist eingöngu um að verja bankana fyrir tjóni og hlaða undir þá sem steyptu sér í skuldafen í einhverju skuldafyllerí og vitleysu.

Ég reyndi nú að malda í móinn við hann. Ég þekkti nú reyndar lítið til þeirra úrræða sem þá voru í gangi en stóð þó í þeirri meiningu að málið snérist aðallega um að reyna ef kostur væri að koma í veg fyrir að fólk tapaði húsnæði sínu.

Ég skulda ekki lengur neitt í mínu húsnæði og því ekki í sérstökum vandræðum með það. En ég var minnugur þess hvernig lífsbaráttan var á óðaverðbólgu árunum um og eftir 1980 þegar ég var koma mér upp húsnæði og börnunum mínum á legg.

Mér fannst það því vel geta verið bæði skynsamlegt og réttlætanlegt að ríkisvaldið kæmi að aðstoð við þennan hóp í ljósi þeirra aðstæðna sem sköpuðust við hrunið. Annars finnst mér ríkið eigi fyrst og fremst að sinna þeim verkefnum sem að hefur tekið að sér eins og að reka heilbrigiskerfið, menntakerfið og samgöngukerfi og annað í þeim dúr.

Sveitunga mínu, sem er á aldur við mig og býr einnig í skuldlausu húsi, þótti ekki réttlátt hvernig þáverandi ríkistjórn stóð að þessu. Hann sagði ekkert réttlæti í því að þeir sem syndguðu mest fengju alltaf mest fyrirgefið. !? Og hann spurði hvers ættu hinar stritandistéttir að gjalda ?

Eins og ég sagði í upphafi hitti ég hann svo aftur nú um daginn. Ríkisstjórnin var þá nýbúinn að kynna leiðréttingu verðtryggðra húsnæðislána og átti ég ekki von á öðru en nú væri minn maður kátur. En annað kom á daginn. Ég sem stóð í þeirri meinigu að nú væri ríkisstjórnin akkúrat að hrinda í framkvæmd því sem hún lofaði og var kosin til að gera.

Þessi sveitungi minn, sem hafði kosið Framsóknarflokkinn í síðustu koningum, upplýsti mig um að hér væri enn og aftur um að ræða tóm svik og pretti. Þessi aðgerð snúi fyrst og fremt um að tryggja bönkunum sitt og að tekjuháir einstaklingar sleppi við að borga skuldinrnar sínar. Hann var búinn að sjá í gegnum þetta allt saman.

Nú er bara spurningin hvaða flokk ætlar þessi ágæti sveitungi minn að kjósa næst.?