Í Flóanum

22.08.2016 20:23

Mosfellssveit

Nú hafa örlögin hagað því svo til að þessar vikurnar dvel ég að mestu á Reykjalundi. Það er því kannski við hæfi að rifja upp að hér í þessari sókn er ég fæddur. Það hét nú reyndar í þá daga Mosfellssveit en ekki Mosfellsbær.

Árið 1944 nýtti sveitarfélagið Mosfellssveit sér forkaupsrétt á jarðeignum Thors Jenssonar að Varmá og Lágafelli þegar hann hugðist selja Reykjavíkurborg þassar jarðir. Reykjavík keypti aftur á móti jarðirna Lambhaga og Korpúlfsstaði af Thor en þær voru þá einnig í Mosfellssveit. Í framhaldi af því var lögsagnarumdæmi Reykjavíkur stækkað og fært upp að Úlfarsá.

Mosfellssveit ákvað að skipta þessu landi sem það keypti upp og stofna 8 nýbýli sem voru leigð út til ábúenda með erfðafestu. Afi minn og amma í móðurætt fengu eitt þessarra nýbýla og skýrðu Hlaðhamra. Afi minn og amma í föðurætt fengu annað og skýrðu Láguhlíð. Safn heimilda um æfi og störf Þórarins Auðunssonar

Foreldrar mínir hefja sinn búskap svo í Láguhlíð í ársbyrjun 1957 og nánast réttum tveimur árum síðar fæðist ég svo þar. Ég elst þar upp til 10 ára aldurs en þá flytjum við í Flóann. Ástæða þess að við flytjum austur var að þéttbýlið var farið verulega að þrengja að búskapnum að mati föður míns.

Í í Láguhlíð var byggt á árunum 1945-1948. Þessar myndir af framkvæmdunum eru frá þeim tíma.







1953 var svo bygggt lítið fjárhús sem er hér á mynd ásamt pabbi á Farmalnum.



Svona er umhorfs á bænum þegar ég fer að muna eftir mér.



Í dag er þetta nokkuð breytt. Þessar byggingar standa reyndar allar enn. Þær sjást reyndar ekki fyrir trjágróðri frá þessu sjónarhorni og byggðin í Mosfellsbæ er komin hér alveg að.



Þessi mynd tók ég í dag og það sést aðeins í hænsnahúsið sem er austast með grænu þaki.. Hin húsin eru á bak við trágróðurinn fyrir miðri mynd.

 

Flettingar í dag: 112
Gestir í dag: 11
Flettingar í gær: 215
Gestir í gær: 24
Samtals flettingar: 127051
Samtals gestir: 22945
Tölur uppfærðar: 29.3.2024 10:05:17
clockhere

Í Flóanum

Nafn:

Aðalsteinn Sveinsson

Farsími:

8607714

Heimilisfang:

Kolsholti I

Staðsetning:

Flóahreppur

Heimasími:

4863304

Tenglar