|
Í Flóanum |
||
26.11.2013 01:00Sveinn Þórarinsson f. 6. sept. 1931 d. 11. nóv 2013 (langi)
Foreldrar hans voru Elín Guðbjörg Sveinsdóttir frá Reyni í Mýrdal f. 7. júlí 1898, d. 29. des. 1993 og Þórarinn Auðunsson frá Eystri-Dalbæ Landbroti f. 15. maí 1892, d. 24. júní 1957. Systur Sveins voru: Valgerður Þórarinsdóttir húsmóðir f. 18. júlí 1922, d. 7. júlí 2006. Guðlaug Guðný Þórarinsdóttir sérleyfishafi f. 7. des. 1925. og Ólöf Þórarinsdóttir handavinnu-og íþróttakennari f. 18 sept. 1928, d. 2 okt. 2013. Sveinn kvæntist 20. okt 1956 Höllu Aðalsteinsdóttur grunnskólakennara f. 25 nóv 1935. í Reykjanesi við Ísafjarðardjúp. Börn þeirra eru:
1. Þórarinn f. 3. ágúst 1957 prófessor við Háskóla Ísland, maki Kristjana Gunnarsdóttir f. 1959 deildarstjóri hjá Velferðarsviði Reykjavikurborgar. Börn þeirra eru: a) Sveinn f. 1979 sérfræðingur hjá Landsbankanum, maki Dagný Franklínsdóttir f. 1977 viðskiptastjóri hjá Creditinfo Þeirra börn eru Jökull f. 2005 og Þóranna f. 2008. b) Edda Sólveig f.1994 nemi í Flensborgarskóla
2. Aðalsteinn f. 10. janúar 1959 bóndi í Kolsholti 1 Flóahreppi, maki Kolbrún J. Júlíusdóttir f. 1961 bóndi. Börn þeirra eru: a) Hallfríður Ósk. f. 1980 aðstoðarleikskólastjóri í Flóahrepp, maki Jón Valgeir Geirsson f. 1975 verktaki. Þeirra börn eru: Kolbrún Katla f. 2001, Hjalti Geir f. 2006 og Ásta Björg f. 2010. b) Sigmar Örn f. 1983 verktaki og bóndi í Jaðarkoti Flóahrepp, maki Sandra Dís Sigurðardóttir f. 1986 bóndi og matráður. Þeirra börn eru: Aldís Tanja f.2005, Arnór Leví f. 2007 og Hrafnkell Hilmar f. 2010. c) Erla Björg f. 1987 umhverfisskipulagsfræðingur. maki Kristinn Matthías Símonarson f. 1984 sem rekur véla- og bíla- og sprautuverkstæði í Kolsholti. Barn þeirra er : Steinunn Lilja f. 2013
a) Guðbjörg Hulda f. 1981 hjúkrunarfræðingur hjá Kópavogsbæ, maki Kári Ólafsson f. 1981 lögfræðingur hjá lögreglunni á höfuðborgarsvæðinu. Þeirra barn er Ólafur Veigar. f. 2008. b) Þorsteinn Logi f. 1982 bóndi í Egilsstaðakoti í Flóahrepp, maki. Cathy Krentel f.1990 bóndi og nemi við Háskólann á Akureyri.Barn Þorsteins er Luca Elías f 2012 búsettur í Þýskalandi. c) Halla f. 1983 verkfræðingur hjá Umhverfisstofnun, maki Ragnar T. Ragnarsson f 1985 nemi í hagnýtri ritstjórn við Háskóla Íslands. d) Laufey f. 1989 hjúkrunarfræðinemi við Háskóla Íslands. d) Sveinn Orri f. 1996 nemi í Fjölbrautarskóla Suðurlands. a) Stefán Ágúst. f. 1981 læknir hjá Landspítala/Háskólasjúkrahúsi, maki. Ragnheiður Halldórsdóttir f. 1986 hjúkrunarfræðingur. b) Agnes f. 1985 meistaranemi í félagsráðgjöf við Háskóla Íslands, maki Böðvar Stefánsson f. 1981 smiður. Börn þeirra: Embla María f. 2005 og Nökkvi Marel. f. 2008. c) Aðalsteinn f. 1990 blaðamaður hjá DV, maki Erna Hrund Hermannsdóttir f. 1989 förðunarfræðingur Barn þeirra er Tinni Snær. f. 2012.
Útför Sveins fer fram frá Selfosskirkju í dag, 26. nóvember og hefst athöfin kl 13:00 Skrifað af as 31.10.2013 22:31FramkvæmdirÍ haust höfum við, með öðrum verkum,staðið í viðhaldsframkvæmdum í fjósinu. M.a.erum við búnir að saga upp hluta af gólfinu og skipt um steinbitana. VIð byrjuðum á slíkri endurnýjun fyrir 3 árum og höfum tekið þetta í áföngum. Viðhaldið () Áður en kýr og geldneyti voru tekinn alveg inn í haust skiptum við um bitana við legabásana austan megin í fjósinu. Nú er meiningin að taka geldneytastíurnar sem eftir eru í næsta áfanga.  Skrifað af as 23.10.2013 14:54TamningarÞað fylgir því, þegar maður er að fá folöld, sem að sjáfsögðu eru hin efnilegustu frá fyrsta degi, að það verður að láta reyna á það þegar þau eru komin á tamningaaldur. Það eru liðin æði mörg ár frá því að hér á bæ hafa verið tryppi á tamninga aldri. En eftir að maður ánetjaðist hestamennskunni aftur eftir langt árabil hefur það nánast gerst eins og af sjálfu sér að hér hafa komið folöld á hverju ári.  ......Folald ()Hér í högum eru þrjú þriggja vetra tryppi. Tvö eru í eigu fjölskyldunnar í Lyngholti og eitt sem ég á en það er hann Kraftur. Brúnn hestur sem fylgdi sem folald rauði meri sem ég keypti haustið 2010. Merin heitir Valka er minn aðal reiðhestur í dag. Þessi tryppi vori tekinn nú um dagin og tekin í frumtamningu. Við Jón í Lyngholti nutum aðstoðar og aðstöðu hjá Reyni á Hurðarbaki við þetta verkefni.. Ég var nú aðallega í hlutverki gamla mannsins sem horfði á þegar ég gaf mér tíma til að vera með þeim. Tryppin voru tekinn á hverju kvöldi í nokkur skipti í hringgerðinu á Hurðarbaki. Það var gaman að sjá hvað þau eru fljót að læra þegar unnið er markvist og við réttar aðstæður með þau. Og sá brúni er ennþá gríðalega efnilegur eftir þennan skóla.  Skrifað af as 15.10.2013 07:48OktóberVerkefni októbermánaðar eru, auk hefðbundinna haustverka í sveitinni, að sitja fundi ýmiskonar og vinna að fjárhagsáætlunum. Má sega að á meðan maður er í starfi oddvita sveitarstjórnar sé þetta einn mesti annatími ársins. Þegar maður er odddviti sveitarstjónar í sveitarfélagi, eins og Flóahreppur er, fylgir því ýmislegt. M.a. að sitja í stjórnun og nefndum ýmissa samstarfsverkefna og byggðasamlaga sem sveitarfélagið er aðili að. Það þarf að vinna fjárhagsáætlun fyrir öll þessi verkefni sem fjárhagsáætlun sveitarfélagsins tekur svo mið af. Þetta er mjög mikilvæg vinna og leggur grunn að ábyrgri meðferð opinberra fjármuna. Mánuðurinn byrjaði með árlegri fjármálaráðstefnu íslenskra sveitarfélaga sem fram fór í Reykjavík 3. og 4.okt. Þessa dagana er nú verið að undirbúa haustfund Héraðsnefndar sem fram fer 17. og 18. okt og Ársþing SASS sem verður 24. og 25. okt. Á Héraðsnefndarfundinum eru m.a. fjárhagsáætlanir Almannavarna-, Brunavarna-, Hérasskjalasafns-, Byggðasafns Árnessýslu og Listasafns Árnesinga afgreiddar. Á SASS þinginu er afgreiddar áætlanir fyrir samtök Sunnlenskra sveitarfélaga, Sorpstöðina, Heilbrigðiseftirlitsins og Skólaskrifstofuna. Reyndar stendur til að leggja Skólasrkrifstofuna niður um næstu áramót. Auk þessa er Flóahreppur í samstarfi við önnur sveitarfélög um ýmis önnur verkefni s.s. eins og Þjónustusvæði um málefni fatlaðra, Velferðaþjónustu Árnesþings og Skipulagsembætti uppsveita Árnessýslu. Hjá ollum þessum aðilum er verið að vinna fjárhagsáætlun og skipuleggja starfsemi næsta árs þessa dagana. Stefnt er svo að því að leggja fram til fyrri umræðu fjárhagsáætlun Flópahrepps á næsta reglulega fundi sveitarstjórnar sem verður 6. nóv. n.k. Skrifað af as 30.09.2013 23:37MyglaMeð velferð og heilsu barna að leiðarljósi var sú ákvörðun tekin að loka húsnæði leikskólans Krakkaborgar hér í sveit og finna honum annan stað á meðan endurbótum á húsnæðinu stendur. Þessi ákvörðun var tekin þegar niðurstöður úr rannsóknum lágu fyrir. Þær staðfestu að mygla var víða í húsnæðinu. Það er meiriháttar mál flytja heilan leikskóla í snatri. Starfsfólk leikskólans hefur unnið þrekvirki í þessum aðstæðum. Til bráðabirgða, til þess að forða því að þurfa að loka skólanum allveg hefur verið tekið á móti leikskólabörnunum í félagsheimilinu Félagslundi undanfarna daga. Það er ljóst að það húsnæði hentar ekki og nú er unnið að því að finna "varanlega bráðbirgðalausn" þar sem hægt verður að reka leikskólann á meðan á endurbótum og stækkun á húsnæði skólans í Þingborg stendur yfir. Sú vinna mun vænanlega taka a.m.k. ár. Skrifað af as 20.09.2013 21:34Svanasöngur.....Í búskap getur ýmislegt komið upp á og verkefnin eru mörg sem þarf að glíma við. Ekki er alltaf á vísan að róa með ágóðan og allavega betra að ráðstafa honum ekki fyrirfram. Við þekkjum þetta vel í kornræktinni. Þetta sumar verður varla minnst sem gott kornræktarsumar hér í Flóanum. Akrarnir fóru þó ágætlega af stað í vor þannig að maður leyfði sér að vera nokkuð bjrtsýnn í upphafi sumars. Nú voru það allavega ekki þurrkar sem stóðu bygginu fyrir þrifum eins og nokkur undanfarin ár. En það er ekki nóg að rigni. Við þurfum líka sól og hita til þess allt fari nú á besta veg.en á það hefur stórlega skort þetta sumarið. Spretta hefur því verið hæg og byggið þroskast seint. Samt sem áður getur orðið um einhverja uppskera að ræða nú ef færi gefst til þerska fyrir vætu næstu daga. En þá tekur við önnur ógæfan. Sá alfriðaði fugl, Álftin, mætir hér á hverju ári í stórum flokkum um miðjan september. Ef ekki er búið að þreskja byggið þá er hún fljót að hesthúsa og troða niður nokkra hektara. Þessa dagana stendur yfir hér á bæ stanslaus barátta við að reka álftina úr ökrunum. Notaðar eru allar þær aðferðir sem kunna að geta orðið að gagni. Þrátt fyrir það er tjón orðið talsvert.  Skrifað af as 15.09.2013 21:47Með barnadætrum mínum á útreiðumÞað hefur ekki alltaf viðrað vel til útreiða á þessu rigningasumri. Við látum það nú ekki alltaf stoppa okkur. Stundum er það bara spurning um góðan regngalla og kannski aðeins styttri útreiðatúra en annars hefði orðið. Við Aldís Tanja í Jaðarkoti vorum búin að ákveða snemma í sumar að fara saman í ungmennfélagsreiðtúrinn. Þegar kom svo að þeim degi 1. sept. s.l. rigndi hér í Flóanum sem aldrei fyrr. Við létum það ekki stoppa okkur frekar en aðrir Flóamenn. Þátttakendur voru 20 velbúnir knapar á öllum aldri með 38 hross. Það er nú reyndar skemmtilegra að ríða út í góðu veðri og við Aldís eigum ábyggiulega eftir að gera það líka saman seinna. Núna á föstudaginn var riðum við Kolbrún Katla í Lyngholti saman héðan úr Flóanum upp í réttir. (Reykjaréttir á Skeiðum). Reyndar fórum við lengra því við riðum upp á Sandlækjarholt þar sem við mættum vesturleitarsafninu og fylgdum því svo niður í réttir. . Þar hitti Kolbrún m.a. pabba sinn (hann Jón í Lyngholti) sem var að koma af fjalli. Jón fór í norðurleit. Hann lagði af stað á sunnudagsmorguninn fyrir rúmri viku síðan og var því búinn að vera 6 daga á fjalli. . Skrifað af as 10.09.2013 21:06BrúðkaupÞau Sigmar og Sandra í Jaðarkoti gengu í heilagt hjónaband s.l. laugardag. Þessi dagsetning var fyrir löngu ákveðin hjá þeim m.a. vegna þess að þau höfðu húmor fyrir því að um var að ræða 7. dag september 2013 ( 7. 9. 13 ). Moskinn var dubbaður upp í tilefni dagsins. Fékk m.a. ný númer við hæfi. Að lokinni athöfn í Villingaholtkirkju, sem var þéttsetin á meðan, var boðið til veislu í veislusalnum í Vatnsholti hér í Flóanum. Á annað hundrað manns mætti og fagnaði þessum tímamótum með þeim brúðhjónum. Þau buðu upp á glæsilega matarveislu þar sem allur pakkinn var tekinn með fordrykk, forrétti. aðalrétti og eftirrétti. Á meðan á veislunnni stóð stigu nokkrir gestana á stokk og héldu ræður, Systur Sigmar þær Hallfríður og Erla sungu frumsamdan brag til brúðhjónanna. Allt þetta fór fram við góðar undirtektir annarra gesta og brúðhjónanna. Að lokum spilaði svo hljómsveit fyrir dansi fram eftir nóttu og skemmtu menn sér vel fram undir morgun. Gestir voru víða af landinu og nýttu margir sér það að gista í Vatnsholti. Ég var ekki var við annað en fólki hafi líkað vel þessi heimsókn í Flóann og allir hafi haft gaman af.  Skrifað af as 31.08.2013 07:21Og það rignir og rignir....Það er ekki ofsögu sagt að veðrið er áhrifavaldur í daglegu lífi flestra. Það er þó misjaft eftir starfsstéttum hversu mikið veðrið hefur áhrif á afkomu einstaklinga. Bændur þekkja þetta samhengi vel enda hefur veðurfarið bein áhrif á þeirra rekstur og vinnubrögð frá degi til dags. Víða um norðurland hafa menn keppst við að smala afréttarlönd í liðinni viku vegna vondrar veðurspár. Skemmst er að minnast norðanáhlaups í byrjun september í fyrra sem olli gífurlegum fjárskaða. Nú taka menn enga áhættu. Það er nú örugglega meira en að segja það að fara í göngur svona með engum fyrirvara mörgum dögum eða jafnvel vikum áður en ráðgert var. En það þýðir nú lítið að fást um það. Menn eru fyrir löngu búnir að læra það að hyggilegast er að haga sér eftir veðri og veðurútliti. Veðrið mun ekki haga sér eftir því hvað hentar eða hentar ekki. Hér í Flóanum höfum við nú sloppið við fjárskaðaveður að undanförnnu. Hér rignir bara og rignir. Ýmist er rigniing og rok eða rigning og ekki rok. .Víða er háarheyskapur eftir. Jörð er orðin gegnsósa og allstaðar þar sem komast þarf um veðst allt út í drullu.  . Hér áður fyrr í rigningasumrum var talað um að helst væri von til þess að það breytti um Höfuðdag. Höfuðdagur var nú fimmtudaginn og síðan hefur bara ringt....  Skrifað af as 25.08.2013 13:36Steinunn LiljaHér var mikil hátíð haldinn í gær þegar Steinunn Lilja Kristinsdóttir var skýrð. Séra Sveinn Valgeirsson kom hingað og skýrði ungu dömuna. Viðstaddur var nokkur fjöldi ættingja og vina. Við vorum skýrnarvottar ég og föður amma barnsins Sigríður Guðmundsdóttir Að hætti hússins var slegið upp veislu í tilefni dagsins eins og þeim mæðgum er einum lagið. Hér eru þær saman á mynd dætradætur mína, elsta og yngsta barnabarnið, Kolbrún Katla og Steinunn Lilja í veislunni í gær og það fer vel á með þeim. Hér eru svo Steinunn Lilja með foreldrum sínum Erlu og Kristni. Myndin á veggnum í bakgrunninum er af Erlu eins og hún var fyrir örfáum árum. Skrifað af as 13.08.2013 21:59ÍbúaþróunÍ Flóahreppi eru nú 640 íbúar. Það er svipaður fjöldi og hér var búsettur árið 1975. Sá munur er samt á að nú fer íbúum fjölgandi ár frá ári en alla síðustu öld fór þeim fækkandi. Um aldarmótin 1900 voru íbúar á þessu svæði sem nú heitir Flóahreppur um 1200 talsins. Þeim fór svo fækkandi alla öldina, eins og allsstaðar í dreyfbýli, á sama tíma og heildaríbúafjöldi á landinu öllu rúmlega þrefaldaðist. Fæstir voru íbúar hér í sveit svo aldarmótaárið 2000 en þá voru hér búsettir 469 manns. Síðan þá hefur hér verið fjölgun. Mest var hún á árunum 2001 - 2002 og 2007-2009 og svo aftur nú á síðasta ári. Þessi fjölgun hefur hér orðið án þess að hér hafi myndast eiginlegt þéttbýli. Það er mun skemmtilegra verkefni fyrir sveitarstjórnarmenn að glima við þegar íbúum fer fjölgandi heldur en að horfa á stöðuga fækkun. En það er krefjandi verkefni að bregst við fjölgun íbúa. Byggja þarf upp þjónustu sveitarfélagsins á öllum sviðum. Þó skólamálin séu þar lang fyrirferðamest þá hefur íbúaþróunin áhrif á alla málaflokka. Skrifað af as 05.08.2013 21:27SmaladagurÍ dag var smaladagur hér í Kolsholti 1. Ákveðið var að nota daginn í að reka saman féð og bólusetja öll lömb og gefa ormalyf. Þetta láta menn nú ekki fram hjá sér fara og var allt mitt fólk mætt á svæðið. Verkið gekk fljótt og vel fyrir sig enda mannskapur mikill og góður. Þessi unga dama Kristinsdóttir var að mæta í sínu fyrstu smalamensku til afa og ömmu. Þessi tvö frændsystkini og jafnaldra, Hrafnkell Hilmar í Jaðarkoti og Ásta Björg í Lyngholti eru nú orðin öllu vanari og voru ekki í vafa hvernig á að bera sig að í smalamensku. Þeim fannst rétt að halda heimalingunum selskap ásmt Arnóri Leví og Aldísi Tönju í Jaðarkoti og Hjata Geir í Lyngholti á meðan beðið var eftir því að þeir sem fóru ríðandi um hagana kæmu með féð heim að bæ. Þá er nú betra að standa klár í sinni fyrirstöðu svo féð renni óhikað í réttina. Það er Kolbrún Katla í Lyngholti sem hér fer á eftir fénu ríðandi á honum Undra. Þegar allt féð er komið inn í réttina og búið að loka réttarhliðinu tryggilega er ágætt að skreppa í smá útreiðartúr sér til skemmtunnar.  Skrifað af as 30.07.2013 07:42Leikskóli fyrir kálfaÁ hverju hausti heyrir maður ýmsar ævintýrasögur um smölun á nautgripum. Það er nefnilega þannig að nautgripir geta verið allra erfiðustu húsdýr í smölun. Þó það gangi, alla jafna, vel á felstum bæjum að koma mjólkurkúnum í mjaltir kvölds og morgna þá er ekki sömu sögu að segja stundum þegar á að smala geldneytum saman. Hjarðhegðun nautgripa er engu minni en hjá mannfólkinu. Einn styggur kvígukálfur getur gert heila naugripahjörð að óstöðvandi fylkingu sem rennur stjórnlaust á og í gegnum nánast hvað sem er. Þá dugar lítið öll þau farartæki eða hundar sem tiltæk eru til þess að reyna að stýra slíkri hjörð. Menn hafa þó reynt ýmsar aðfarir og beitt bæði traktorum, jeppum og/eða fjórhjólum í slíkri baráttu. Hugsunin hefur þá verið sú að ef maður geti verið nógu fljótur að komast fyrir gripi sem ekki rekst í rétta átt þá sé björninn unnin. Ekki er víst að allar slíkar aðfarir hafi einfaldað málið eða haft róandi áhrif á gripina.  Eitt sinn fyrir mörgum árum þegar verið var að ræða þetta á nautgriparæktarfundi hér í sveit sagði einn sveitungi minn að nauðsynlegt væri að vera með leikskóla fyrir kálfana til þess að fyrirbyggja svona vandamál. Ég er fyrir löngu hættur að sleppa gripum í haga án þess að venja þá vel við að reka út og inn í fjósið áður. Þær kvígur sem settar voru á í vetur eru nú í tamningu. Það er óvenju stór hópur að þessu sinni en eins og löngum hefur verið er misjaft hvað fæðist af kvígukálfum frá ári til árs. Skrifað af as 23.07.2013 11:35RigningasumarÞetta sumar verður að teljast rigningasumar. Allavega það sem af er komið. Ég er nú eldri en það að ég kippi mér mikið upp við það enda búinn að lifa mörg rigningasumur. Nú í dag er varla hægt að væla mikið yfir því þó það komi einstöku sinnum rigningasumur. Hér áður fyrr var um umtalsvert tjón að ræða í svona sumrum. Þó afkoman í búrekstrinnum byggi enn á heygæðum er hægt með nútímatækni að ná þokkalegum heyjum í svona sumrum. Það breytir því þó ekki að allt gengur bæði hægar og erfilegra en í þurrkatíð. Hér hafa tekið sig upp gamlar uppsprettur og dý í túnum sem hafa verið skraufaþurr undanfarin áraug. Það er betra að festa ekki heyvinnutækin í túnunum. Þetta rigningasumar, eins mörg önnur hafa verið, er líka frekar kalt. Kosturinn við það er að grasið sprettur seinna úr sér þó heyskapur gangi hægar en æskilegt er. Ókosturinn er að að há sprettur ekki og óvíst hvað hægt verður að treysta á hana til heyskapar. Undanfarið hefur háarheyskapur verið stór hluti af heyforðanum hér í Flóanum. Kornið sprettur líka seint og illa. Þó akranir hafi grænkað snemma í vor og kornið farið vel af stað er staðan núna að það er varla skriðið og komið langt fram í júlí. Nú gæti maður kannski látið sér detta í hug að fyrst að rignir alltaf og ekki hægt að vera í heyskap alla daga þá hafi maður meiri tíma til þess t.d. að riða út og gera annað skemmtilegt. Það er nú samt ekki allveg þannig, Í rigningatíð taka öll verk meiri tíma og minni tími fer þá í annað. Ég fór samt í góðan útreiðartúr í gær. Fjölskyldan í Lyngholti ásamt fjölskyldunum í Skyggnisholti og Hurðarbaki lögðu upp í hestaferð upp í Hrunamannahrepp í gær. Ég fylgdi þeim af stað héðan úr Flóanum í gær og riðum við upp að Hrepphólum. Áð við bæinn Hnaus í Flóahrepppi Helgi á Hurðarbaki kominn á bak og tilbúinn að ríða af stað Ásta Björg gerir sig líklega til þess að taka hlaðsprettinn með aðstoð foreldra sinna Veður var mjög gott og sennilega besti dagur sumarsins fram að þessu. Þegar komið var yfir Stóru-Laxá bættust fleiri knapar í hóppinn. Ásta Björg í Lyngholti og Helgi á Hurðarbaki deildu hest og hnakk með feðrum sínum og riðu með síðasta spölinn heim að Hrepphólum. Skrifað af as 12.07.2013 07:19Fleiri barnabörnÞessa fallegu mynd tók Kolbrún í gærmorgun stuttu eftir að litla stúlkan á myndinni fæddist. Hún er sjöunda barnabarn okkar og er fyrsta barn Erlu og Kristns. Kristnn sendi mér SMS, fyrr um morguninn þegar ég var að byrja að mjólka, um að þau væru kominn upp á fæðingadeild. Kolbrún, sem var á leiðinni til Reykjavíkur stuttu seinna, ákvað að líta við hjá þeim áður en hún færi suður. Þá var sú lítla bara kominn í heiminn. Það fylgir því eintóm hamingja að eignast fleri barnabörn. Ég hef trú á að að við eigum eftir að brasa eitthvað saman eins og ég hef haft tækifæri til að gera með öllum mínum barnabörnum.  Skrifað af as Flettingar í dag: 3 Gestir í dag: 1 Flettingar í gær: 442 Gestir í gær: 54 Samtals flettingar: 191085 Samtals gestir: 33906 Tölur uppfærðar: 4.4.2025 00:17:42 |
clockhere Eldra efni
Í Flóanum Nafn: Aðalsteinn SveinssonFarsími: 8607714Tölvupóstfang: kolsholt@islandia.isHeimilisfang: Kolsholti IStaðsetning: FlóahreppurHeimasími: 4863304Tenglar |
|
