Þ og E listi sem buðu fram í sveitarstjórnarkosningunum fyrir 4 árum hafa nú ákveðið að bjóða fram saman í kosningunum vor. Fulltrúar þessarra framboða eru sammála um að halda áfram því góða starfi sem unnið hefur verið að á kjörtímabilinu og verja þann árangur sem náðst hefur.

Á þessu kjörtímabili hefur samstarf þessarra framboða verið mjög gott og skilað miklum árangri við mótun og uppbyggingu á nýju sveitarfélagi. Fulltrúar þeirra í sveitastjórn hafa verið samstíga í því að reka hér öflug og framsækið sveitarfélag. Áhersla hefur m.a. verið að sína  ráðdeild í öllum rekstri og hafa kjark til þess að leita nýrra leiða í því að efla hér samfélagið.

Listinn sem boðin verður fram er þannig skipaður:

1.      Aðalsteinn Sveinsson Kolsholti 1

2.      Árni Eiríksson Skúfslæk 2

3.      Elín Höskuldsdóttir Galtastöðum

4.      Hilda Pálmadóttir Stóra-Ármóti

5.      Björgvin Njáll Ingólfsson Tungu

6.      Alma Anna Oddsdóttir Fljótshólum

7.      Heimir Rafn Bjarkason Brandshúsum 4

8.      Ágúst Ingi Ketilsson Brúnastöðum

 9.     Karen Viðarsdóttir Laufhól
10.    Einar H. Haraldsosn Urriðafossi

Nú þessa dagana er verið að halda kynningarfundi á vegum Verkefnisstjórnar  2. áfanga Rammaáætlunar um vernd og nýtingu náttúrusvæða með áherslu á vatnsafl og  jarðhitasvæði. Á þessum fundum eru kynntar niðurstöður faghópa verkefnisstjórnar sem metið hafa svæði og virkjunarkosti, hver á sínu sérsviði. Skýrslu verkefnisstjórnar um virkjunuarkosti til mats og niðurstöður faghópa, auk ítarefnis, má nálgast á vefsíðu rammaáætlunar, www.rammaáætlun.is,

Ég hef verið að lesa þessar skýrslur og kynna mér efni þeirra. Það hefur verið hlutverk okkar sem í sveitastjórn Flóahrepps hafa starfað á þessu kjörtímabili að reyna að leggja  mat  á það hvaða áhrif fyrihuguð Urriðafossvirkjun geti haft í sambandi við aðalskipulagsgerð okkar í fyrrum Villingaholtrhreppi. Búið er að leggja fram mikið efni varðandi þessa vinnu og rætt hefur verið við fjölda fólks og hlustað á margs konar rök ýmist sem mæla með virkjun eða á móti. Því miður hefur umræðan ekki alltaf verið mjög gáfuleg og oft á tíðum snúist um allt annað en áhrif virkjunarinnar. Nú á síðustu mánuðum virðist baráttan aðalega snúast um það hvort réttlætanlegt sé að eitthvað af hugsanlegum ávinningi af virkjuninni, ef af verður, megi nýtast samfélaginu hér í sveit eða ekki.  

Mér sýnist í aðalatriðum að í rammaáætluninni sé verið að nálgast þetta viðfangsefni á nokkuð skynsaman máta og það sé verið að fjalla um þau atriði sem skipt geta máli, sérstaklega við það að bera saman virkjanakosti. Ég vil hvetja alla sem vilja og ætla sér að taka þátt í umræðunni um virkjanir til þess að kynna sér þessar skýrslur vel.

Mér hefur dottið til hugar að halda úti bloggsíðu. Ástæðan er kanski fyrst og fremst til þess að koma á framfæri skoðunum mínum og áherslum í málefnum sveitarfélagsins og kynna fyrir þeim sem áhuga hafa hvað verið er að fást við hverju sinni. Ég hef síðan vorið 2006 verið oddviti í sveitarfélaginu Flóahreppur. Ég er tilbúin til þess að halda því starfi áfram ef áhugi er meðal kjósenda til þess.

Þessa dagana er í gangi vinna um land allt við að stilla upp framboðum fyrir sveitastjórnarkosningarnar sem fram fara í vor. Víða eru prófkjör í gangi og uppstillingarnefndir eru að störfum. Þessu fylgir vonandi gagnleg umræða um málefni sveitarfélaganna og það fólk sem tilbúið er að starfa á þessum vettvangi næsta kjörtímabil. Ég vona að íbúar Flóahrepps velti þessum málum vel fyrir sér og taki þátt í umræðunni af krafti.

Nú á eftir að reyna á það hvernig mér gengur að halda úti þessarri síðu. Ég er að vona að hún geti að einhverju leiti verið liður í þessarri umræðu. Ég á sjálfsagt eftir að segja frá einhverju fleiru en eingöngu því sem ég að að fást við sem sveitastjórnarmaður enda margt áhugavert sem kemur upp á hverjum degi.