Braggablús

Fyrr í þessum mánuði fór ég ásamt nokkrum félögum mínum norður á Akureyri. Við tókum að okkur verkefni þar. Þetta tók heila 12 daga með milliferðum en eins og stundum áður varð verkið heldur meira en bjartsýnisspár gerðu ráð fyrir. Maður þarf alltaf að gera ráð fyrir því. emoticon

Verkefnið var að rífa tvo stóra bragga sem þurftu að víkja fyrir nýjum byggingum. Samtals voru þessir braggar um 1100 m2 að grunnfleti.

Þó verkið væri stórt gekk það ágætlega enda öflugur hópur manna með mér í þessu ævintýri. Sem sannir umhverfissinnar og í anda endurnýtingar og endurvinnslu hirtum við allt nýtanlegt efni og fluttum með okkur suður.