Undanfarna daga hefur verið snjór yfir öllu hér í Flóanum. Það þarf nú ekki endilega að koma á óvart á þessum árstíma og það vissulega hjálpar í baráttunni við myrkrið í skammdeginu að hafa hvíta jörð.
Við fórum um síðustu helgi og rákum tryppin úr stóðini. Þau eru nú í ágætu standi en okkur fannst rétt að fara að gefa þeim sérstaklega.
Nú er orðið tímabært að fara að huga að tilhleypingum í fjárhúsinu. Ég hef reyndar verið að grípa í að endurýja gólfið undir gemlingunum og þarf að ljúka því áður en ég sleppi hrútinum í ærnar. Það hefst nú vonandi innan tíðar.