Það er komið sumar

Á sumardaginn fyrsta í síðustu viku fjölmenntum við afkomemdur pabba ( Sveinn Þórarinsson f. 6. sept. 1931 d. 11. nóv 2013 (langi) () ) og okkar makar og tókum þátt í víðavangshlaupi Umf. Vöku. Þetta gerðum við til þess að heiðra minningu hans. Pabba var árleg þáttaka í þessu hlaupi hjartans mál. Hann tók fyrst þátt í því árið 1985, ef ég man rétt, og hljóp á hverju ári eftir það allt fram til 2013 en það var hans síðast hlaup.

Hans erindi var ætíð að fylgja ungum þáttakendum þessa vegalengd og fengu flest hans barnabörn og barnabarnabörn að njóta slíkra leiðsagnar í þessi tæpu 30 ár sem hann var þátttakandi 

Við vorum 35 sem tókum þátt í hlaupinu af hans fólki í ár. Í lok dags var komið saman hér í Kolsholti grillað í góða veðrinu.

Gleðilegt sumar !!