Nú um helgina stendur yfir fjölskyldu- og menningarhátíðin Fjör í Flóa hér í sveit. Boðið er upp á fjölbreytta dagskrá um allt sveitarfélagið. Fjöldi fólks, bæðið innansveitar og aðrir gestir, hafa verið á ferðinni um sveitina og á ég von á að svo verði einnig í dag. Veðrið er frábært og allir eru í hátíðarskapi.
Hátíðin er skipulögð af rekstrarstjórn félagsheimilanna hér í Flóahreppi. Hátíðin hefur verið árviss viðburður síðan 2005. Hún byrjaði sem samstarfsverkefni þriggja félagsheimila í þremur sveitarfélögum og var einn af mörgum undanförum að sameiningu sveitarfélaganna hér.
Dagskrá hátíðarinnar má sjá á heimasíðu Flóahrepps
www.floahreppur.is. Hún er bæði fjölbreytt og metnaðarfull. Ástæða er til að þakka rekstrarastjórninni fyrir glæsilega hátíð og hvetja fólk til þess að líta á það sem boðið er upp á.
