Í Flóanum

Færslur: 2016 Október

31.10.2016 23:44

Á bak og burt




Á bak

Mér
virðist sem vekringi mínum
verði brátt riðið á slig:
Það er eins og einhver sitji
aftan við mig.

Ríddu drengur, ríddu,
reyndu ei aftur að gá.
Ef þú heldur á taumunum taki
þá tollirðu á.

En brátt munt þú detta af baki:
Búðu þig undir það:
- Eg er löngu farinn að leita
að lendingarstað.


...og burt

Á gæðingi hélt eg heiman
og hafði í töskunni von.
Svo mætti eg á miðjum vegi
meistara Parkinson.

Hann reið á brokki á bleikum
og bauðst mér að fylgja um sinn.
Brátt tyllti hann sínum í taglið
svo tölti ei klárinn minn.

Leið er mér löngu orðin
lamandi samfylgd hans.
Nú förum við báðir fetið:
- Eg er félagi þessa manns.



                                                                        höf: Erlingur Sigurðarson frá Grænavatni
                                                                              Úr ljóðabókinni Haustgríma  (2015)




  • 1
Flettingar í dag: 39
Gestir í dag: 4
Flettingar í gær: 82
Gestir í gær: 17
Samtals flettingar: 49695
Samtals gestir: 5988
Tölur uppfærðar: 6.2.2023 03:22:05
clockhere

Í Flóanum

Nafn:

Aðalsteinn Sveinsson

Farsími:

8607714

Heimilisfang:

Kolsholti I

Staðsetning:

Flóahreppur

Heimasími:

4863304

Tenglar