Í Flóanum

Færslur: 2015 Maí

30.05.2015 15:40

Fjör í Flóa

Fyrir tíu árum síðan efndu þrjú félagsheimili í þremur sveitarfélögunum hér í Flóanum til samstarfs um fjölskyldu- og menningarhátíð í lok maí. Hátíðin hlaut nafnið " Fjör í Flóa" og hefur verið árlegur viðburður síðan.

Ýmislegt hefur breyst hér í Flóanum þessi tíu ár m.a.sameining þessa sveitarfélaga. Ég lít svo á að upphaf þessara hátíðar hafi verið einn af mörgum aðdragendum þess að Flóahreppur varð til. 

Hátíðn "Fjör í Flóa"  hefur vaxið og dafnað með hverju ári. Það hefur ávalt verið markmið hátíðarinnar kynna gestum eitt og annað sem þetta svæði hefur upp á bjóða auk þess sem heimamenn gera sér dagamun og skemmta sér og þeim gestum sækja þá heim.

Ég er þeirra skoðunnar að þessi hátíð skipti máli fyrir gott mannlíf hér í Flóanum og virki vel bæði innávið og útávíð fyrir sveitarfélagið.

Nú um þessa helgi er hátíðn haldin í ár. Ég tók þátt í skemmtilegri gönguferð á Loftstaðahól og niður á Loftsstaðasand í gærkvöldi. Þessi kvöldganga var einn af liðum hátíðarinnar og var farin undir leiðsögn Sigmundar Stefánssonar frá Arabæ. 

Milli 70 og 80 manns tóku  þátt í göngunni í blíðskaparveðri og hlýddu á stórskemmtilegar frásagnir Sigmundar m.a. af Galdra-Ögmundi sem eitt sinn bjó á Loftstöðum, íþróttamótunum við Loftstaðahól og sjósókn frá Lofstaðasandi.

Í morgun mætti ég svo í sameiginlegan morgunverð í Þingborg sem var í boði Fjör í Flóa og fyrirtækja á Suðurlandi. Fleirihundruð manns komu í Þingborg í morgun og voru allir í hátíðarskapi. Ýmislegt er svo boðið upp á alla helgina, bæði í og við Þingborg og svo einnig um alla sveit.

Í kvöld er svo kvöldvaka í Félagslundi sem enginn ætti að vera svikin af.

 




  • 1
Flettingar í dag: 67
Gestir í dag: 4
Flettingar í gær: 82
Gestir í gær: 17
Samtals flettingar: 49723
Samtals gestir: 5988
Tölur uppfærðar: 6.2.2023 03:43:11
clockhere

Í Flóanum

Nafn:

Aðalsteinn Sveinsson

Farsími:

8607714

Heimilisfang:

Kolsholti I

Staðsetning:

Flóahreppur

Heimasími:

4863304

Tenglar